Íbúðalánasjóður hefur ákveðið að setja um 504 íbúðir, u.þ.b. þriðjung af eignasafni sjóðsins úr eignasafni sjóðsins, í opið söluferli.

Þetta kemur fram í frétt sem birtist á heimasíðu Íbúðalánasjóðs, ils.is.

Íbúðirnar eru staðsettar víðsvegar um landið og verða boðnar til sölu í 15 eignasöfnum.

Verulegur hluti íbúðanna er í útleigu. Hluti eignanna þarfnast lagfæringar.

 

Sala eignanna er í takti við markmið Íbúðalánasjóðs um að selja meirihluta fasteigna sjóðsins á þessu og næsta ári. Vonast sjóðurinn til að stuðla um leið að auknu framboði á íbúðarhúsnæði víða um land.

 

Eignasöfnin sem seld verða eru misjöfn að stærð og gerð. Samsetning eigna í hverju safni miðast við að hagkvæmt geti verið að reka um þær leigufélög og eru eignir í hverju þeirra að jafnaði í sama byggðarlagi. Ákveðið var að hafa hvert eignasafn hóflegt að stærð til þess að það sé á færi fleiri fjárfesta að bjóða í þau. Heimilt verður að bjóða í einstök eigna­söfn eða fleiri saman.

 

Söluferlið hefst mánudaginn 14. desember nk. og munu áhugasamir fjárfestar þá geta nálgast ítarlega upplýsingaskýrslu um söluferlið og eignirnar á heimasíðu Íbúðalánasjóðs. Sama dag verður boðið til kynningarfundar sem haldinn verður í sal Grand hótel Reykjavík kl. 14:00. Þeir sem hyggjast sækja fundinn verða að skrá sig til þátttöku fyrir kl. 13 á mánudeginum. Skráning fer fram á heimasíðu Íbúðalánasjóðs undir tenglinum „Sala eignasafna – skráning á kynningarfund“. Á fundinum verður farið yfir söluferlið og fasteignasöfnunum lýst nánar.

Hægt era ð fara beint inn á ils.is eða á slóðina hér að neðan og skrá sig á kynningarfundinn sem haldinn verður á Grand Hótel kl. 14:00 mánudaginn 14. Desember n.k.:

http://www.ils.is/skraning-a-kynningarfund-um-solu-eignasafna/